top of page
2018 පෙබරවාරි 04
එදා මෙදා තුල නිදහස
සිංහල ජාතියේ නිජබිම තුළ සිංහල ජාතිය අද නිදහස යනු පෙබරවාරි 4 දින පුරසාරම් දොඩවා ගෙවා දමන දිනයකට පමණක් සීමා වී ඇති බව අපි අකමැත්තෙන් වුවද පිළිගත යුතුය.
අපිට අපේම ආහාර වර්ග වලින් සමන්විත ආර්ථිකයේ ශක්තිමත් රටක් ජාතියක් ව හෙලදිව ධාන්‍යාගාරය ලෙස ලොව ප්‍රකට රටක් වූ අප මව්බිම
අද
අද රට ටික ටික බදු දී ණය බරින් මිරීකී ඇති ආර්ථිකයක් හිමි නැව් නාවොත් කන්න නැති, දූෂණය වංචාව හිංසනය රජයන, කුණු නැව් පවා ආනයනය කර කුණු කදු ගොඩ නගන අස්ථාවර දුර්වල පාලන ක්‍රමයන් තුල කොටු වී ලෙඩ රෝග අඩු නැතිව වසවිස සහිතව කන බොන, හුස්ම ගන්න පිරිසිදු වාතය අඩු වෙන, බොන්න පිරිසිදු ජලය හිඟ වෙන, මේකද අපේ නිදහස් ශ්‍රි ලංකාව.
කො සක්විති රාවණා රජු අපට දුන් දායාද
කො අපේ එකමුතුකම
කො අපේ හෙළ ශක්තිය
කො අවංක නිර්ව්‍යාජ බව
කො හෙළ සිරිත් විරිත්
කො අපේ ඖෂධ වර්ග
කො සදාචාර සම්පන්න ජන සමාජය
එදා අපේ රට දෙස බලා ලෝකයේ රටවල් දියුණු වුණා.
එදා අපි සතුනටත් කෑම දුන්නා අද අපි හිංසනයෙන් සතුන් මරන් කෑමට ගන්නවා.
අපි දෑත දෙපය හිස(මොළය) වෙහෙස මහන්සි වෙලා නිවැරදිව වැඩ කරළා.
නැවතත් අපේ ධාන්‍යාගාරය හදමු.
හෙළ ඔසු මැදුර හදමු.
අපේ රට සස්ශ්‍රිකත්වයෙන් බබලවා නැති වී ගිය අවශ්‍ය හැම දෙයක්ම නැවත ගොඩනගමු.
එදාට අපි නිදහස නිදහසේ සමරමු.
ශ්‍රී ලංකා ජනබල පෙරමුණ
චින්තක වනිගසූරිය
ශ්‍රී ලංකා ජනබල පෙරමුණ
2019 පෙබරවාරි 4
නිදහස
බලන්ගොඩ මානවයාගේ සිට පැවත එන හෙළ සිංහලයේ අතුරුථල ජාතීන් ලොව පුරා විසිරී විවිධ ජන වර්ග ලෙස ජීවත් වන බව උපකල්පනය කළ හැකිය.
ශ්‍රි ලංකා ද්විපය හෙළ මහා සිංහලයේ නිජබිම නිදහස නැති නිදහස සමරන අපි අපි අතර ඉපිදෙන දේශද්‍රෝහීන් පාවා දීම් හේතුවෙන් නිදහස නැති කර ගැනීම සිදු වේ.
හෙළ සිංහලයේ නිජබිම වූ ශ්‍රී ලංකාවේ නිදහස මීට වසර 7000 ට පමණ ප්‍රථම බලවත් ලෙස භුක්ති විඳීමට ඒ මහා නරපති සක්විති රාවණ යුගයේ දී සිංහල ජනතාව සැබෑ සත්‍යය නිදහස් රසය සැබෑ ලෙසම භුක්ති විඳින ලදී, ජාති දේශ ද්‍රෝහීන් විසින් බල කෑදරකම වෙනුවෙන් රට ජාතිය පාවා දී ශ්‍රී ලංකාවේ නිදහස නැති කිරීමට සමත් විය.
කාලයාගේ ඇවෑමෙන් නැවත නිදහස තහවුරු කර ගන්නා ශ්‍රී ලංකා ද්විපය නැවත වතාවක් හෙළ සිංහලයේ නිජබිම නිදහස භුක්ති විඳින සිහළය නැවත කුවේණිය විජයට රට ජාතිය පාවා දීමට කටයුතු කිරීමෙන් හෙළ සිංහලයේ නිජබිම නිදහස අහිමි විය.
පණ්ඩුකාභයගෙ මුහහත් අසිපතෙන් නැවත නැගී සිටින හෙළ සිංහලයේ නිජබිම වරින් වර විවිධ ජන වර්ග විසින් ආක්‍රමණය කිරීමට වෙර දැරූ නමුත් කිසිදු ජන වර්ගයක් විසින් යටත් කර ගැනීමට නොහැකි වූ හෙළ මහා සිංහලයේ නිජබිම අභිමානවත් ලෙස පෙරට පෙරමුණ ආ හෙළ මහා සිංහලයේ නිජබිම; විවිධ කූට ක්‍රියාකාරකම් සමුදායක් තුලින් හෙළ මහා සිංහලයේ හෙළ ශක්තිය විනාශ කරමින් යටත් විජිතයක් බවට දේශද්‍රෝහී විසින් හෙළ මහා සිංහලයේ නිජබිම නිදහස වර්ෂ 1815වේ උඩරට ගිවිසුම මගින් බ්‍රිතාන්‍යයට ලබා දීම සිදු විය.
විටින් විට නැගී සිටි හෙළ මහා සිංහලයේ ජන බලවේග හමුවේ දණ ගැස්සූ බ්‍රිතාන්‍යයන් 1948 දී නිදහස නැමැති දිනයක් තුළින් ජනතාව මුලා කිරීමට සමත් වූ අතර අද වර්ථමානය වන විට දීද හෙළ සිංහලයේ නිජබිම තුළ හෙළ සිංහලය සිර කුටියක නිදහස නැමැති දිනයක් සමරනු ලබන්නේ නොවේද ?
වර්ථමානයේද බල කෑදරකම, මුදල් කෑදරකම හේතුවෙන් රට ජාතිය ආගම පාවා දෙන්නන් , හෙළ සිංහලයේ නිජබිම නිදහස් උරුමය දීර්ඝකාලීන බදු දෙන්නන් විකුණුම් කරන්නන් රට ජාතික ආගම් සංස්කෘතිකය විනාශ කරමින් හොරකම් වංචාව දූෂණය මත් ද්‍රව්‍යය ජාවාරම් රජයන වර්ථමානයේ අපි සමරන්නේ සෑබෑ සත්‍යය නිදහසද ?
ශ්‍රි ලංකා ජනබල පෙරමුණ
චින්තක වනිගසූරිය
ශ්‍රි ලංකා ජනබල පෙරමුණ
bottom of page